Edited By kamal, Updated: 01 Apr, 2019 11:39 AM
हाथ आलेआं ने पूरे प्रदेश म्हैं परिवर्तन रैली चला राखी सैं। प्रदेश के सारे नेता एक बस म्हैं बैठ...
मीनू शर्मा: हाथ आलेआं ने पूरे प्रदेश म्हैं परिवर्तन रैली चला राखी सैं। प्रदेश के सारे नेता एक बस म्हैं बैठ के लोग्गां तै मिलण जावैं। पर परिवर्तन रैली तै इनकी पार्टी के अपणे नेतावां म्है कोई परिवर्तन नहीं आया सैं। कुल्लू भाई आप बी इनके गेल कोणी आया। फोकी हवाबाजी हो रही सैं। पार्टी के कट्टर समर्थक तो इनकी यात्रा पै खुश सैं पर इनके अपने नेता अपनी पार्टी का हाल बता रहै सैं। कुल्लू नै तो बस सुथरी लागी ई कोणी अर वा बैठया ई कोणी। प्रदेस के सारे नेतावां का अहम पार्टी तै ऊपर आ गया सै।
इनकी पार्टी के नेता एक-दूजे की प्रधानगी बर्दाश्त कोणी कर रहै सैं। इसी बात कोणी सै कै इनकी यात्रा पै इनके समर्थक न आंदे हौवें। लोग इन्नै देखण सुनने बी आ रहै सैं पर अपने नेतावां का मुंह ई सीधा कोणी हो रहा सै। इस तरैं तो इनका सत्ता म्हैं आण का सुपना सुपना बण के रह जागा। बाकी हाईकमान इनपै कै कार्रवाई करैगा इसका बेरा तो टेम आण पै पाटैगा।