Edited By Shivam, Updated: 08 Apr, 2019 01:50 PM
बड़े दिनां तै प्रदेस म्हैं दिल्ली आली पार्टी के हाथ आलेआं गेल गठजोड़ की बातां सुणन नै मिलै थी तो इब्ब प्रदेस म्हैं तो इनकी बात कोणी बणी सैं। हाथ आलेआं नै सारी बात कर दी सै कै प्रदेस म्हैं तो इनके गेल कोणी चालैंगे। देश की राजधानी म्हैं इनके गेल चालणा...
बड़े दिनां तै प्रदेस म्हैं दिल्ली आली पार्टी के हाथ आलेआं गेल गठजोड़ की बातां सुणन नै मिलै थी तो इब्ब प्रदेस म्हैं तो इनकी बात कोणी बणी सैं। हाथ आलेआं नै सारी बात कर दी सै कै प्रदेस म्हैं तो इनके गेल कोणी चालैंगे। देश की राजधानी म्हैं इनके गेल चालणा सै के नी इस बात का बेटा बी तावली बना देवैंगे। हाथ आंलेआं नै तो बता दिया सैं कै वा किसी बी पार्टी गेल पंजाब अर हरियाणा म्हैं गठबंधन नी करैंगे। इब्ब सारी बातां साफ होगी सै के हाथ आले अपणे दम पै ई चुनाव लड़ैंगे तो इब्ब दिल्ली आली पार्टी खातर भतीजे आली पार्टी अर भगवांधारी ई बचे सैं। भगवांधारियां गेल जाण की बात इन्नै कदै करी कोणी सै भतीजे आली पार्टी नै तो इन्नै जींद उप चुनाव खातर बी समर्थन दे दिया था। इब्ब यू क्यूंकर अर किसकै गेल गठजोड़ करैंगे तो इसका बेरा बी जल्दी ई पाट जावैगा। राजनीति म्हैं कुछ बी हो सकै सैं रै।
-(प्रस्तुति: मीनू शर्मा)
