बांगर की खेड़ा खाप नै लिया जाति-पाति का भेद मिटाण का फैसला

मीनू शर्मा: लोग्गां म्हैं जाति-पाति के जहर नै जड़ तै खतम करण खातर बांगर की सर्वजातीय खेड़ा खाप नै एक न्यारी पहल की सै। खाप के लोग्गां ने फैसला लिया सै के अपणे नाम के गेल अपने गौत्र की जगहां अपणी गाय का नाम लिय्या करैंगे। दूजे गायां नै बी इस मुहिम तै जोडय़ा जावैगा। इसके बाद पूरे प्रदेस म्हैं इसी तरै अभियान चलाया जावैगा। इस खाप की पंचायत म्हैं कई गामां के लोग आए थे, प्रदेस म्हैं जाति-पाति के नाम के रोग नै मिटाण खातर यो फैंसला घणा हौंसले आला सै।

इसतै लोग्गां म्हैं भाईचारा बढैगा। हरियाणा जिसै प्रदेस की प्रधाण सिकै समृद्ध इतिहास ते सैं अर यो इसनै वापस लयाणा खातर इस तरै करणा जरूरी बी सै। जाति के नाम पै बड़े-बड़े फसाद बी होए सैं। यो भेदभाव इस तरियां बढय़ा सै जिसनै लोग्गां के मन म्हैं जहर आ जावै। लोग अपने गोत्र का नाम अपणी गाडिय़ां पै बी लिखावै करैं तो इब्ब अपणे गाय का नाम लियाण तै उसकी पछाण अपने गाम अर प्रदेस तै होवैगी न कि उसकी जाति तै। तो इब्ब देखण आली बात यो सै के कितने लोग इस तरै करकै इस बुराई नै जड़ तै खत्म करैंगे।