Edited By kamal, Updated: 24 Mar, 2019 11:33 AM
बडे दिनां तै हरी पगड़ी आलेआं के नेता दूजियां पाॢटयां म्हैं जाण लाग रह्ये थे अर इनके विधायकां...
मीनू शर्मा: बडे दिनां तै हरी पगड़ी आलेआं के नेता दूजियां पाॢटयां म्हैं जाण लाग रह्ये थे अर इनके विधायकां नै बी भतीजेआं की पार्टी ज्वाइन कर ली थी तो आज इनके नेता नै अपणी कुर्सी बी छोड दी सै। अर उसनै साफ कर दिया सै कै इनकी पार्टी छोडण आले पांचां विधायकां नै बी अयोग्य करण खातर स्टीकर तै चिट्ठी लिखैगा। इसमें तो साफ कह दिया सै कै पहल्यां तै बागी विधायकां पै कार्रवाई करी जावै अर फेर इसका इस्तीफा बी मंजूर कर लिया जावैगा।
एक पार्टी नै ढंग तै छोडण खातर कुस प्रक्रिया होवै। अर इन्न पांचों विधाकां नै इसा न करकै अपणी सदस्यता अयोग्य कराम आला काम ई किया सै। ल्यो जी इब्ब चाचा तो आ ग्या सै घणा ताप म्हैं। इब्ब यू अपणे भतीजे की बी सदस्यता रद्द कराण खातर चि_ी लिखैगा। कदै हरी पगड़ी आलेआं की पार्टी नै अनुशासन आली पार्टी कहा जावै था पर इनके विधायकां नै अनुशासण कोणी दिखाया सै तो ल्यो बी इब्ब सियासी पारा चढ ग्या सै। इब देखण आली बात सै कै इसका ताप किन्नैं-किन्नैं चढैगा।