Edited By Deepak Paul, Updated: 18 Mar, 2019 11:10 AM
प्रदेस म्हैं लोकसभा की वोटां खातर घणी गर्मी छाई पडी सै। सारी पाॢटयां आले अपणे उम्मीदवारां खातर घणी...
मीनू शर्मा: प्रदेस म्हैं लोकसभा की वोटां खातर घणी गर्मी छाई पडी सै। सारी पाॢटयां आले अपणे उम्मीदवारां खातर घणी सोझी के चाल रह्ये सैं पर न्यू लाग्गै हाथ आलेआं म्हैं कोई विचार मिल कोणी रह्यै सै। इनके हरियाणा प्रभारी नै पहल्यां तो अपणी तालमेल कमेटी बणा ली। फेर उसके मैंबर बी चुण लिए अर गुलाबी पगड़ी नेता तै इसका अध्यक्ष बी बणा दिया। पर पता नी बाद म्हैं इसा कै होया कै इन्नैं अपणी बणाली कमेटी नै रद्द करणा पड ग्या।
सूतरां की मान्नैं तो आपसी खींचतान के चालदे ई सारा मामला खराब होया सै। कडी न कदी तै इनकी पार्टी की गुटबाजी इनपै हावी लाग्गै सै। नई तो न्यू कमेटी बणा कै गेल ई रद्द कोणी करणी पडै। इब्ब बात तो यू बी सुणन म्हैं आ रह्यी सै कै इब्ब इस कमेटी म्हैं फेरबदल किए जावैंगे अर दोबारा तै जारी कर दी जावैगी। इस टेम म्हैं इसी बातां लोग्गां म्हैं पार्टी खातर कुस घणा आच्छा प्रभाव कोणी जावै तो इन्नैं चइए कै टेम रहंदेआं अपणे सारे नेतावां नै एकजुट करकै लोग्गां म्हैं जावैं। बाकी टेम बतावैगा कै इन म्हैं सहमति बणैगी कै न्यू ई टकराव होंदा रवैगा।
