Edited By Deepak Paul, Updated: 09 Feb, 2019 01:01 PM
ल्यो जी हरी पगड़ी आलेआं के बाब्बै नै 21 दिन की फरलो मिल ई ग्यी सै। इब्बी बाब्बा घणा ई बरसैगा। इसतै पहल्यां बाब्बै की फरलो रुक ग्यी थी अर बाब्बै नै अपणा गुस्सा पोतेआं पै काढया था अर इन्नैं गद्दार तक कह दिया था।
चंडीगढ़(मीनू): ल्यो जी हरी पगड़ी आलेआं के बाब्बै नै 21 दिन की फरलो मिल ई ग्यी सै। इब्बी बाब्बा घणा ई बरसैगा। इसतै पहल्यां बाब्बै की फरलो रुक ग्यी थी अर बाब्बै नै अपणा गुस्सा पोतेआं पै काढया था अर इन्नैं गद्दार तक कह दिया था। तब्बै तो जींद उपचुनाव बी थे अर वहां जावै था कै बाब्बा अपणी पार्टी के उम्मीदवार खातर लोग्गां म्हैं जावैगा, बाब्बै की फरलो रद्द कराण का इल्जाम बी इसनै अपणे पोतेआं पै लगाया था अर कवै था कै पोतेआं नै ई दिल्ली आले वजीर तै कह कै फरलो रुकवाई सै। हो सकै कै बाब्बा भैण जी नै बी मिल लेवै अर अपणे समर्थकां अर पार्टी के विधायकां गेल बी बैठ कर लेवै।
न्यूं तो बाब्बै का छुट्टी पै आण का टेम सही सै क्योंकि इसके छोटे छोरे नै अपणे भाई अर दूजे नेतावां पै टिकटां बेचण का इल्जाम बी लगाया सै, तो इब देखणा होवैगा कै बाब्बा इसपै कै बोलैगा।
