Edited By Rakhi Yadav, Updated: 25 Sep, 2018 11:35 AM
विपक्ष म्हैं बैठे हरी पगड़ी आलेयां नै प्रदेस म्हैं एस.वाई.एल. नहर का पाणी ल्याण खातर पूरा जोर लगा राख्या सैं। प्रदेस नै उसके हक का पाणी दिलाण खातर इन्नैं बड़े आंदोलन बी करे सै। एस.वाई.एल. नहर खोहण....
अंबाला: विपक्ष म्हैं बैठे हरी पगड़ी आलेयां नै प्रदेस म्हैं एस.वाई.एल. नहर का पाणी ल्याण खातर पूरा जोर लगा राख्या सैं। प्रदेस नै उसके हक का पाणी दिलाण खातर इन्नैं बड़े आंदोलन बी करे सै। एस.वाई.एल. नहर खोहण तै लेकै जेल भरो आंदोलन बी चलाया ग्या। इन्नै घणे टेम तै पाणी नै लेकै सरकार की नाक म्हैं दम कर राख्या सा, इसपै दूजीयां पाॢटयां आलेयां नै बी घणी बयानबाजी करी। कुल मिला कै यू मुद्दा हरी पगड़ी आलेयां का सबतै बड़ा चुनावी मुद्दा सै।
इब बात करैंगे इनके ताऊ के जन्म दिन मनाण की। सारी त्यारियां जोरां पै चाल रही थीं। पूरा बंदोबसत हो लिया था। हरी पगड़ी आलेआं कै नेता सरकार नै ‘ताऊ’ नै याद करकै इलैक्सनां तै पहल्यां अपणी ताकत बी दिखाणा चावै था पर न्यू लाग्गै इनकी एस.वाई.एल. की पाणी ल्याण आली बात इंद्र देवता नै घणी आच्छी लाग ग्यी अर इन्नै अपनी यू बड़ी रैली स्थगित करणी पड ग्यी। जो न्यू कह ल्यो कै प्रदेस म्हैं एस.वाई.एल. नहर का पाणी तो कोणी आया पर बादल बी इतना बरसेया कै इनकी रैली नै ही धो ग्यै। ल्यो बात तो कुछ बी हो, इनकै किए कराए पै ‘पाणी’ तो फिर ई ग्यै सै।
