Edited By Deepak Paul, Updated: 23 Dec, 2018 11:29 AM
इब्ब प्रदेस के सरकारी डाक्टरां की खैर कोणी सै। दाढी आला बाब्बा फेर तै एक्शन म्हैं आ ग्या सै अर इब्ब ड्यूटी तै गैरहाजिर रैण आले सरकारी डाक्टरां पै सरकारी डंडा बी चालैगा। दाढी
चंडीगढ़(मीनू): इब्ब प्रदेस के सरकारी डाक्टरां की खैर कोणी सै। दाढी आला बाब्बा फेर तै एक्शन म्हैं आ ग्या सै अर इब्ब ड्यूटी तै गैरहाजिर रैण आले सरकारी डाक्टरां पै सरकारी डंडा बी चालैगा। दाढी आले बाब्बै नै इस खातर एक कमेटी बी बणा ली सै जो गैर हाजर डाक्टरां पै कार्रवाई करया करैगी। यू कमेटी इन डाक्टरां की रपट बणावैगी अर उन्नै रपट बणा कै नोटिस बी भेजे जावैंगे। इसतै बाद इन डाक्टरां का नोटिस तीन बार अखबार म्हैं बी छपाया जावैगा। छाप्पे जाण पाच्छै बी जदे कोई डाक्टर अपणी ड्यूटी दे न पावैगा तो उसकी नौकरी खत्म कर दी जावैगी।
सरकारी आंकड़ेआं म्हैं इसे घणे डाक्टर सै जो कागजां म्है ई नौकरी कर रह्ये सै। इसतै पहल्यां बी दाढी आले बाब्बे नै डाक्टरों की ड्यूटी दूर-दराज के गामां म्हैं लगाण का फरमान बी दिया था तब्बै बी डाक्टर ताप म्है आ ग्ये थे। इब्ब सरकारी डाक्टर या तो अपणी ड्यूटी करैंगे नई तो दाढ़ी आला बाब्बा तो डंडा ले कै बैठया सै। कदे इसका कोई ओर फरमान आ ग्या अर नौकरी तो हाथ तै लिकड जावैगी।