इब्ब प्रदेस के पुलिस आले कवैंगे ‘हांजी श्रीमान’

चंडीगढ़(मीनू): प्रदेस पुलिस के बड़े अफसरां नै इब्ब आप्रेशन श्रीमान चलाण के हुकम दिया सैं। इब्ब पुलिस आले लोग्गां तै इज्जत तै पेश आवेंगे।  लोग्गां की मुश्किलें शांत ढंग तै सुनैंग। प्रदेश  पुलिस कामतो पहल्यां वी करैं सैं पर इब्बी इन्नै आच्छा काम करण पै सम्मानित बी किया जावेगा। इसी बात कोणी सै के हरियाणा पुलिस आले लोग्गां तैं इज्जत तै बात कोणी करैं। 

बात यूं सैं के हरियाणवी बोली नै लठमार बोली कहै जावैं। हरियाणवी मानस की बात करण का लहजा ई इसा सैं। न्यूं तो हरियाणवी बोली के डायलाग म्हारी ङ्क्षहदी फिल्मां म्हैं घणे बोलै जावैं क्यिूंकि इस बोली म्हैं तै हरियाणवी संस्कृति की झलक मिलै सै। अदब तै पेश आण की बात पै एक मशहूर हरियाणवी चुटकुल याद आया सैं। ‘‘एक बार के कंडक्टरां तै लुगाइयां गेल अदब तै पेश आण का आदेश दिया गया अर कहा गया के लुगाइयां नै मैडम कह कैं बुलाया जावै। सबनै हामी भरी जदे एक लुगाई बस म्हैं चढ़ी तो कंटक्टर नै टिकट काटते होए बोलया के ‘ओ मैडम’ परां नै मरलै। यूं तो हो ली मजाक की बात पर इब्ब हरियाणा पुलिस आले बी राहगीर नैं रोक कै बोल्यां करैंगे ‘हांजी श्रीमान’। पुलिस आलियां के आप्रेशन श्रीमान तै लोग्गां अर पुलिस म्हैं दूरी खत्म होवैगी अर लोग बिना किसी डर के थानेआं म्हैं आकै अपनी समस्या बता सकेंगे।’’