Edited By Deepak Paul, Updated: 16 Jan, 2019 11:02 AM
बड़े-बूढ़े बात कहा करैं कै दुस्मण का दुस्मण दोस्त होआ करै। इन वोटां म्हैं यू बात सच हौंदी दीखै सै। जींद उपचुनाव म्हैं सारी पार्टियां अपणे उम्मीदवार नै जिताण खातर पूरा जोर लगा रह्यी सैं। कोई बी कसर कोणी छोडणा चावै सै...
मीनू शर्मा: बड़े-बूढ़े बात कहा करैं कै दुस्मण का दुस्मण दोस्त होआ करै। इन वोटां म्हैं यू बात सच हौंदी दीखै सै। जींद उपचुनाव म्हैं सारी पार्टियां अपणे उम्मीदवार नै जिताण खातर पूरा जोर लगा रह्यी सैं। कोई बी कसर कोणी छोडणा चावै सै। हाथ आली पार्टी कै अपणे बडे नेतावां की आपस म्हैं कितणी बणै सै इस बात का सबनै बेरा सै। इसतै पहल्यां इनके बडे नेता अपणे आप नै एक-दूसरे तै बडा बताया करै पर जींद उपचुनाव के टेम म्हैं इनका प्रेम दिखण आला सै।
सैंकल पै रैली काढण आले नेता नै तो इब्ब कमाल ई कर दी सै। इन्नैं तो भरी सभा म्हैं गुलाबी पगड़ी आले नेता के नाम पै नारे लगवा दिए। जदकै वा तो ओडै था बी कोणी सै इन दोनूंआं का आपसी प्रम सबनै जानै बी। गुलाबी पगड़ी आले के बाद पार्टी प्रधान अर फेर अपणे उम्मीदवार खातर नारे लगवाए। पार्टी प्रेम अर जिसी एकता इसनै वोटां के टेम दिखाई सै इसतै लाग्गै कै पार्टी हाईकमान नै इनतै घणी आच्छी घोट कै घुट्टी पिलाई सै तब्बै तो इस तरैं का सुर निकड कै आए सै। यू निगम चुणावां म्हैं हार तै लिया सबक सै या टेम की मांग पर इन्नैं मौके की नजाकत जरूर देख ली सै।