रुट्ठडेयां नै मनाण म्हैं जुट ग्ये सै सारे राजनीतिक दल

चंडीगढ़(मीनू): जींद उपचुनाव की तारीख का ऐलान होंदया ई सारी राजनीतिक पार्टियां आले पूरे जोर-शोर तै तैयारियां म्हैं लाग ग्ये सै। उम्मीदवारां नै पर्चे भर दिए सै अर इब्ब जिनतै टिकट कोणी मिली अर अपणी ई पार्टी के रुट्ठडेयां नै मनाण की कोसिसें बी होण लाग ग्यी सै। सारी पाॢटयां म्हैं रुस्से-मान्नै लोग सै जिनका भाव इसी टेम म्हैं ई पड सकै सै। हर उम्मीदवार चावै कै उसके गेल पार्टी के सारे लोग ई होवैं। चाए स्थानीय कार्यकत्र्ता हेवै या स्थानीय बडा नेता सबकै साथ की जरूरत होवै खडे होण आले उम्मीदवार नै।

पर्चे भरण पाच्छै इब्ब प्रचार सुरू हो ग्या सै अर गेल ई रुठड़े बी मनाए जावैंगे। भगवाधारियां के नाराज कार्यकत्र्ता नै तो सारेआं म्हैं खुल कै बगावत करी सै। दूजियां म्हैं बी हाल ईसा ई सै। हाथ आले बी अपणे नाराज चाल रह्ये  नेतावां की जी-हजूरी म्हैं लाग्गे पडै सै। हरी पगड़ी आलेआं तो पहल्यां ई घर की न्यारी पार्टी गेल लड रह्ये सै अर न्यारे हो कै पार्टी बनाण आले भतीजे अपणा दावा ठोक रह्ये सै। कुल मिलाकै  सारे ई पाॢटयां आले जुगाड़ बिठा रह्ये सै कै किम्मै ई नाराजां नै गेल लिया जावै अर जीत पक्की की जावै।