Edited By Deepak Paul, Updated: 13 Feb, 2019 02:35 PM
जींद उपचुनाव जीतण पाच्छै भगवांधारी जमा जोश म्हैं सैं। इसतै पहल्यां निगम चुनावां की जीत बी इनकै सिर पै न्यू ई चढी थी। न्यू मान्नैया जावै कै उपचुनाव तो सत्ताधारी पार्टी ई जीते करै पर खट्टर बाब्बा तो इब्ब घणा चाव म्है दीखै अर घणी बयानबाजी बी करै। एक...
चंडीगढ़(मीनू): जींद उपचुनाव जीतण पाच्छै भगवांधारी जमा जोश म्हैं सैं। इसतै पहल्यां निगम चुनावां की जीत बी इनकै सिर पै न्यू ई चढी थी। न्यू मान्नैया जावै कै उपचुनाव तो सत्ताधारी पार्टी ई जीते करै पर खट्टर बाब्बा तो इब्ब घणा चाव म्है दीखै अर घणी बयानबाजी बी करै। एक जनसभा म्हैं लोग्गां की समस्यावां सुणदे-सुणदे इसनै अपणे साइन करण की बात पै तो न्यूं बी कह दिया कै यू इस तरैं साइन कोणी करैं।
इस तरैं साइन तो पुराना मुख्यमंत्री करया करै था अर वा इब्ब जेल जावैगा, खट्टर साहब का इशारा गुलाबी पगड़ी आलेआं के नेता पै था अर साहब नै उसके जेल जाण की बात कह दी। इसतै ई बेरा पाट ज्या कै खट्टर बाब्बा कितणे कु चाव म्हैं सै। हाथी अर आटो के गठजोड़ पै बी बाब्बै नै झूठ बंधन कहा सै। हौसले तो भगवांधारियां के घणे बुलंद सैं वोटां म्हैं इनकी यू बयानबाजी कितणी काम आवैगी यू टेम बतावैगा।