Edited By Isha, Updated: 18 Aug, 2019 04:53 PM
ल्यों जी गुलाबी पगड़ी आले की रैली के घणे दिनां तै बातां हो रही थी आज का दिन बी आ लिया सै, यो जाटां के सबतै बड़े नेता मान्नै जावै सैं। अर इसकी रैली म्हैं भीड़ का आणा बी स्वाभाविक सै।
ल्यों जी गुलाबी पगड़ी आले की रैली के घणे दिनां तै बातां हो रही थी आज का दिन बी आ लिया सै, यो जाटां के सबतै बड़े नेता मान्नै जावै सैं। अर इसकी रैली म्हैं भीड़ का आणा बी स्वाभाविक सै। न्यूं तो इसकी रैली करण के बथेरे मतलब काढै जा रहैं सैं, कोय तो कवै के यो अपणी न्यारी पार्टी बणावैगा अर कोय कवै के यो किसी दूजे प्रदेस के पार्टी आलै गेल ज्यावैगा। जितणे मुंह उतणी बातां सै, न्यूं तो इसके समर्थक बी चावै के पार्टी हाईकमान इसनै प्रदेस की कोय बड़ी जिम्मेदारी दे देवे पर इब्बी तक तो इसनै औड़ै ते कोय इशारा मिलया कोणी सै। कहण का मतलब यो सै कै इसका पार्टी हाईकमान पै बणाया दबाव काम कोणी आया। हाथ आलेआं की पार्टी का बी अपणा एक इतिहास रहै सै के यो कदै अपणै किसे बी नेता खातर झुकी कोणी सै चए वा कितणा बी खागड़ नेता हो, तो इब्बी हालातां नै देखदे होए न्यूं लाग्गै, ना तो यो न्यारी पार्टी बणावैगा अर न ई किसी दूजी पार्टी आलै गेल जुड़ैगा यो तो बस अपणा दम दिखाकै हाथ आलेआं गेल ई रवैगा बाकी तो तेल देखैंगे कै तेल की धार देखै।
(प्रस्तुति: मीनू शर्मा)