Edited By Shivam, Updated: 29 Mar, 2019 04:42 PM
लोकसभा की वोटां म्हैं इब्बी टेम तो पडया सै पर इब्ब तक किसी प्रदेस की किसी पार्टी नै अपणे पत्ते कोणी खोले सै। जुबानी जंग सारी पाॢटयां आलेआं नै तेज कर दी सै अर सारे अपणे जीत के दावे करै सै। कोई कुस बी कवै करैगी तो जनता ई। प्रदेस के लोग सबनै सुण रह्ये...
लोकसभा की वोटां म्हैं इब्बी टेम तो पडया सै पर इब्ब तक किसी प्रदेस की किसी पार्टी नै अपणे पत्ते कोणी खोले सै। जुबानी जंग सारी पाॢटयां आलेआं नै तेज कर दी सै अर सारे अपणे जीत के दावे करै सै। कोई कुस बी कवै करैगी तो जनता ई। प्रदेस के लोग सबनै सुण रह्ये सै। सबनै सलावै सैं पर करैंगे अपणे मन की। हाथ आलेआं नै बस यात्रा तो सुरु कर दी सै पर जिस एकता दिखाण खातर यू बस म्हैं बैठे थे वा बात तो देखण नै मिली कोणी। भाई कुल्लू तो इनकी बस म्हैं बैठया ई कोणी। न्यू लाग्गै इसनै बस पिसंद कोणी आई। इनका बी कोई बेरा नी पाटदा, बाकी रह ग्या सै भगवांधारियां का इबतै बी कुछ फाइनल कोणी हो रह्या सै। इनके बी उम्मीदवारां गेल बैठक ई चाल रह्यी सै। इनके बी इब्बी अंदरखाते रुसणा-मनाणा चाल रह्यै सै। बाकी हरी पगड़ी आले चाचा-भतीजे बी इब्बी आपसां म्हैं लाग्गै पडै सै। इब्बी उम्मीदवारां के ऐलान होंदयां ई आवैगा मजा फेर देखांगे जुबानी जंग और कितनी तेज होवैगी।
(प्रस्तुति: मीनू शर्मा)
