जींद म्हैं बना लिया सै भगवांधारियां नै इतिहास, करा दी जीत दर्ज

चंडीगढ़(मीनू): जींद उपचुनाव म्हैं भगवांधारियां नै हांगा मार लिया सै। अर जीत ली सै सीट। जीत बी बथेरी वोटां तै मिली सै। अर चाचै तै न्यारा होए पाच्छै भतीजे दूसरे नम्बर पै आया सै। इनकी नवी बनाई पार्टी खातर इनका प्रदर्शन आच्छा रहा सै। इब्ब बात कर ल्यो हाथ आलेआ के उम्मीदवार की। यु तीसरे नम्बर पै रहा सै। इतने बडे नेता नै मैदान म्हैं उतार कै हाथ आलेआ नै बडा रिस्क लिया था।

अर इबब यु हार गया सै। इस गेल ई इनकी पार्टी म्हैं अंदर अंदर ई जूत बी बजैंगै। बाकी पार्टी आले तो जमानत बी कोनी बचा सके सै तो इबब भगवांधारियां खातर तो जश्न का माहौल बन गया सै। इब्ब यू फेर तै घनै चाव म्हैं आ गए सैं। आना बी चईए इतना आना बनै बी सैं। तो इननै जीत की बधाई बाकी बातां फेर करैंगे इब्बी तो इसपै घना रंग लागना सै।