Edited By Deepak Paul, Updated: 21 Jan, 2019 11:19 AM
ज्यों ज्यों उप चुनाव की तारीख लवे आ रही सैं जींद के चौधर की जंग प्रदेस के चौधर की जंग बनती जा रही सैं। सारी पाॢटयां का ध्यान जींद की सीट जितण पाच्छै प्रदेस म्हैं सरकार बणन पै सैं। हाथ आलेआं...
मीनू शर्मा: ज्यों ज्यों उप चुनाव की तारीख लवे आ रही सैं जींद के चौधर की जंग प्रदेस के चौधर की जंग बनती जा रही सैं। सारी पाॢटयां का ध्यान जींद की सीट जितण पाच्छै प्रदेस म्हैं सरकार बणन पै सैं। हाथ आलेआं के प्रदेस के सारे नेता कवै सैं के यू उपचुनाव जितण के बाद 30 दिन म्हें प्रदेस सरकार गिर जावैगी। एक उपचुनाव की जीत के पाच्छै इतने बड़े दावे करणा कोई छोटी बात कोणी सैं। हर पार्टी के नेता यू ईं कवै के जींद तैं जीत का आशीर्वाद मिलै तो समझ ल्यो प्रदेस की चौधर बी हाथ म्हैं आ ज्यागी।
राजनेता तो इस बात नै किसी तरै सै बी कह सकैं पर बड़े बुर्जुगां का कहणा सैं कै महाभारत कै युद्ध तै पहल्यां कौरव पांडव बी जींद के जयंति मंदिर म्हैं जीत का आशीर्वाद लेण आए थे अर युद्ध जीतण के बाद पांडव फेर तै उरै आए थे। जींद का जितना राजनीतिक महत्व सै प्रदेस म्हैं उतना ही इसका बड़ा धार्मिक अर पौराणिक महत्व बी सैं। बाकी टेम बतावैगा के इस बार सियासत की राजधानी किसनै अपणा आशीर्वाद देवैंगी।
