Edited By Deepak Paul, Updated: 18 Nov, 2018 11:34 AM
जिस रैली की बात रोज्जै ई हो रह्यी थी, वा बी हो ली सै। हरी पगड़ी आलेआं के बडे सपूत नै अपणे पूरे दल-बल गेल प्रदेस की पूरी सियासत गर्मादी सै। उस गेल उसके दोनू छोरे अर लुगाई बी थी। अपणी रैली म्हैं तो यू पूरा गरजेआ सै। अर अपणे छोटे भाई पै सीधा बोल्या सै।...
चंडीगढ़(मीनू): जिस रैली की बात रोज्जै ई हो रह्यी थी, वा बी हो ली सै। हरी पगड़ी आलेआं के बडे सपूत नै अपणे पूरे दल-बल गेल प्रदेस की पूरी सियासत गर्मादी सै। उस गेल उसके दोनू छोरे अर लुगाई बी थी। अपणी रैली म्हैं तो यू पूरा गरजेआ सै। अर अपणे छोटे भाई पै सीधा बोल्या सै। इसका कैणा सै कै पार्टी के विधायकां तै बंधक बनाण आले ई पार्टी का नास मार रह्ये सै। इब्ब यू अपणी अलग पार्टी बनावैगा।
न्यू तो लोग्गां का बडा हुजूम ओडे पहुंच्या था पर रैलियां म्हैं तो इस तरैं भीड आया ई करै। बेरा तो इलैक्सणां म्है ई पाटै करै कै कितणे वोट आए। इनकी रैली के पोस्टरां म्हैं इक बात निराली दिक्खी सै कै इनके पोस्टरां अर झंडेआं का रंग तो हरा ई था पर उनपै इनकी पार्टी का नाम कडै बी कोणी लिख्या था। स्वागती पोस्टरां पै बी न तो इनका चिन्ह था अर न ही कडी नाम। तो आज तै दोनूआं भाइयां का अपणा न्यारा सियासी सफर शुरू हो ग्या सै। एक के गेल बाब्बू सै अर एक अपणे पूरे टाबर नै लैके चालपडया सै इब तो टेम देखांगे अर टेम की चाल देखणी होवैगी।