हाईकोर्ट नै खत्म करवै दी हरियाणा रोडवेज कर्मचारियां की हड़ताल

चंडीगढ़(मीनू): कई दिनां तै चाल रही रोडवेज कर्मचारियां की हड़ताल नै हाईकोर्ट नै खत्म करवै दिया सै। हाईकोर्ट नै एक जनहित याचिका पै सुनवाई करदेयां यूनियनां नै हड़ताल खत्म कराई अर सरकार नै बी कैणा सै कै सरकार अर पुलिस इक म्हैं आज तक कोई गिरफ्तारी कोणी करै। कोर्ट का कैणा सै कै हड़ताल करण तै कोई दल कोणी लिकड़ैगा। हल तो बात करण तै लिकड़ैगा अर इस खातर पहल्यां हड़ताल वापस ली जावै। यूनियन कै नेतावां नै बी कोर्ट पै भरोसा दिखांदे होए सरकार की नई पालिसी पै स्टे लगाण की बात करी सै।

स्टे की सुणवाई तो 12 नवम्बर नै होवैगी, सुणवाई पाच्छै ई कोई फैसला लिया जावैगा। कोई नै यू बी कहा सै कै दस दिनां म्हैं सरकार अर कर्मचारी यूनियनां सरकार की पालिसी पै बात करैंगे अर जो बात न बणी तो कोर्ट इस मामले पै सुणवाई करैगी। कोर्ट नै हड़ताल म्हैं हुए सारी कार्रवाइयां नै रद्द करण की बात बी करी सै। इब्ब पुलिस अगली सुनवाई तक रोडवेज के किसी कर्मचारी नै गिरफ्तार कोणी कर सकैगी। बर्खास्त, सस्पैंड अर सरकार की कार्रवाई आले हड़ताली कर्मचारियां नै काम पै ल्याणा बी सरकार की जिम्मेदारी बणाई सैं। इब टेम बतावैगा कै सरकार रोडवेज कर्मचारी यूनियनां गेल तालमेल बिठावैगी कै कोर्ट नै दोबारा फेर दखल देणा पडैगा।