जदे लगा लैंदे चुनाव निशान के बण जांदी शहरी सरकार?

चंडीगढ़(मीनू): निगम की वोटां हो ली सैं। नतीजे बी आ लिए सै। भगवांधारी तो अपणी जीत म्हैं जमा खुस सैं। होणा बी चइए। नाक का सवाल बणे हुई वोटां म्हैं जीत कै पाच्छै मुख्यमंत्री साहिब की तो इज्जत बी बढ ग्यी सै। इब्ब तो यू घणा चौडा होकै कवै कै दोनूं वोटां गेल ई कटा ल्यो। पूरी तैयारी सै म्हारी पार्टी की। पर दूजियां पाॢटयां आलेआं की हालत खराब हो रह्यी सै। हरी पगड़ी आले तो घर तै ई मरै पडै सै। पहल्यां टाबर की फूट अर इब्ब वोटां बी कोणी पड रह्यी सैं इन्नैं। प्रदेस सरकार पै दोस इन्नै बी लगाए सैं।

हाथ आलेआं का बी अपणा ई रौला सै। गुलाबी पगड़ी आलेआं का नेता तो कवै कै वोटां आली मसीण म्हैं ई गड़बड़ी होई सै। अर इनकी ई पार्टी का सैंकल यात्रा करण आला नेता कवै कै जदै पार्टी अपणे चुनाव निसाण पै लडदी तो जीत जांदी। इब्बी बी इन्नै आपसी फूट अर वोटां की टूट समझ कोणी आ रह्यी सै। आग्गै लोकसभा की वोटां बी आण आली सैं। प्रदेस की सारी पाॢटयां आले अपणा पूरा जोर लगावैंगे अर निगम वोटां म्हैं लोग्गां का मन जाणै पाच्छै अपणी कमियां बी पूरी करैंगे कै नी यू टेम बतावैगे।