ल्यो जी इब्ब हाथी आ ग्या सै आटो पै

चंडीगढ़(मीनू): इलैक्सण दौरे आंदे ई राजनीति म्हैं हलचल शुरू हो ज्या करै। अर इसा ई म्हारे प्रदेस म्हैं हो रह्या सै। इब हाथी नै चश्मा उतार दिया सै अर इब आटो पै पकड़ लिया सै।  कहण का मतलब यू सै कै हाथी आली भैण जी नै हरी पगड़ी आलेआं का साथ छोड़ दिया सै अर भगवांधारियों के बागी सांसद की पार्टी गेल समझौता कर लिया सै। यू सियासी उठा-पठक इलैक्सणां तक न्यू ई चाल्लैगी।

 हाथी नै चश्मे का साथ उनके घर की फूट खातर छोडया सै। इसा उनका कैणा सै तो इब्ब हाथी नै आटो पै चढ कै नए राजनीतिक समीकरण बनो सैं। इस समझौते पै दूजियां पाॢटयां नै घणी चुटकी ली सै। हरी पगड़ी आले तो कवैं कै भैण जी नै गठजोड़ तोड़ दिया उन्नैं नी।
तो इब टेम बतावैगा कै आटो पै हाथी चढैगा कै आटो ई हाथी नै डोबैगा।